Bókadeild Føroya Lærarafelags hevur givið út barnabókina Gnístmundur og vinir hansara eftir hjúnini Filgate
Gnístmundur og vinir hansara er væl egnað til tey 5-7 ára gomlu. Susan Yost-Filgate og Leonard Filgate hava gjørt tekst og myndir. Eyðna Magnussen týddi úr enskum.
Hetta er fitt søga um nakrar mýs. Í húsinum var kvirt og tómt. Fólkini vóru farin at ferðast tíðliga um morgunin. Soleiðis byrjar dagurin hjá Gnístmundi - og tá ið lítli mýslingurin og systir hansara Ginna fara at leita eftir mati, hendir mangt spennandi. Saman við Kiskuni og Gaprial, froskinum, sum er sjónleikari, fær Gnístmundur at sanna, at einki er betri í verðini enn góðir vinir.
Gnístmundur og vinir hansara kostar kr. 90 í bókabúðunum.
