Glæman á Bryggjubakka

Um mánaðarskifti november/desember læt nýggi handilin Glæman upp á Bryggjubakka í Havn.

Glæman er ein deild hjá Teymavirkinum í Runavík, og handilin hevur eitt úrval av tí, sum Teymavirkið selur. Har er t.d. fiskireiðskap, arbeiðsklæðir og undirklæðir til børn og vaksin.

Adressan hjá Glæmuni er Bryggjubakki, men inngongdin til handilin er í sunnara enda á húsunum - millum Bryggjubakka og Vágsbotn.

Leiðari á Glæmuni er Elsa Gaardbo Lützen í Havn.