Í unga felagnum Giza Hoyvík stórfegnast tey.
Fyri løtu síðani bjargaði 1. deildarliðið sær plássið í 1. deild við einum rimmar 1-0 sigri á B68 á Svangaskarði á Toftum.
Men tað er ein hending, sum slær tað, og tað er fyrsta FM-heitið í søguni hjá Giza Hoyvík.
U12 dreingirnir hjá Giza Hoyvík vunnu í dag FM aftaná eitt finaluumfar ímóti HB, B36 og NSÍ í Gundadali í Havn.
Úrslitini vóru hesi:
HB-Giza Hoyvík 1-1
B36-NSÍ 1-1
B36-Giza Hoyvík 2-1
HB - NSÍ 3-7
HB-B36 2-0
Giza Hoyvík-NSÍ 5-0
Kappingin gjørdist ein sannur gysari, har øll liðini vunnu ein, taptu ein, og spældu ein javnan. Giza Hoyvík vann FM uppá besta málmunin.
Endaliga støðan:
1. Giza Hoyvík 4 stig + 4 mál (7-3)
2. NSÍ 4 stig - 1 mál (8-9)
3. B36 4 stig - 1 mál (3-4)
4. HB 4 stig - 2 mál (6-8)
Kenneth Hovgaard, formaður í Giza Hoyvík sigur í stuttari viðmerking til in.fo, at talan er um ein stóran dag í søguni hjá unga felagnum við fyrsta FM-heitinum, samstundis sum 1. deild hevur bjargað sær plássið í deildini.
