Newt Gingrich kunnger á síni heimasíðu í kvøld, at hann tekur seg burtur úr kappingini um at gerast forsetavalevni hjá republikanska flokkinum í heyst. Á einum sjónbandi á heimasíðuni sigur hann, at hann fer at senda almenninginum eina fráboðan í morgin.
Newt Gingrich, sum er fyrrverandi formaður í Umboðsmannatinginum, hevur staðið seg illa í valstríðnum, og hann hevur ikki havt nakran møguleika ímóti Mitt Romney.
Fyri einum mánað síðani tók Rick Santorum seg burtur úr valstríðnum hjá republikanarunum, og nú Gingrich ger tað sama, eru bara Romney og Ron Paul eftir. Tann seinni hevur tó ongan veruligan møguleika at gerast valevni hjá republikanarunum, men hann hongur kortini í enn.
