Føroyski landsliðsleikarin, Gilli Rólantsson Sørensen, er við frá byrjan hjá AaB í kvøld, sum á útivølli spælir fjórðingsfinalu í donsku steypakappingini móti FC Roskilde.
Gilli Rólantsson Sørensen byrjar inni á høgra bakki fyri AaB.
Tað er lítil ivi um at AaB undan dystinum í kvøld er ein stórur favorittur. AaB spælir dagliga í bestu donsku deildini, meðan FC Roskilde spælir í næstbestu donsku deildini.
Dysturin millum FC Roskilde og AaB verður skotin í gongd klokkan 17:00 føroyska tíð, og kann síggjast á Tv3Sport 1 á Televarpinum.
