25 ár eru liðin, síðan fyrstu bøkurnar komu út á nýstovnaða forlagnum, Sprotanum.
– 25 ár vórðu sjálvandi ikki hugsað fram í tíðina – teinurin var eins langur og hiðan til næstu stjørnutoku. Heimurin, vit eru í nú, var science fiction tá. Í tríggjar dagar fara vit at hátíðarhalda, at forlagið fyllir 25 ár. Vit lata dyrnar upp í Perluni í dag kl. 14.
Soleiðis sigar Sprotin, sum næstu tríggjar dagarnar hevur opið í Perluni í Tórsgøtu í Havn, har hópin av teimum fleiri hundrað bókunum, sum forlagið hevur givið út seinastu 25 árini eru til keyps bíliga.
– Øll eru hjartaliga vælkomin, heilsar forlagið.
Lesið meira VIÐ AT TRÝSTA HER
