Á Føroya Bjór í Klaksvík vilja tey seta sín dám á sólarmyrkingina fríggjadagin 20. mars við at bryggja eina serliga sólarbjór.
– Bjórin er serstøk, tí hon er bara bryggjað í myrkri og fullmána, siga tey á Føroya Bjór.
Tað er sólarmyrkingin, sum hevur givið teimum á Føroya Bjór íblástur til a hesa serligu ølina. Sagt verður, at fleiri enn 6.000 fólk koma til Føroya at nóta hetta serliga náttúrufyribrigdi, og tí verður skipað fyri ymsmu í hesum sambandi.
Eitt av hesum serligu tiltøkum er serliga ølin frá Føroya Bjór, sum er bryggjað í avmarkaðari nøgd.
Sólarbjórin er kryddað við serligari humlu, sum er innflutt úr Ný Sælandi. Humlan kallast Nelson Sauvignon. Navnið sipar til drúvuna av sama slag.
– Sólarbjórin er gylt sum sólin við einum turrum eftirsmakki. Hetta ger, at sólarbjórin minnir nakað um hvítvín, siga tey á Føroya Bjór.
