Tórshavnar Býráð er nú av álvara farið undir at gera umstøðurnar betri hjá teimum eldru í kommununi.
Og Elin Lindenskov, forkvinna í sosialu nevnd, sigur, at ætlanin er í hvussu so er at fáa gongd á ein stovn í ár.
Hon sigur, at Sosiala nevnd hevur stutt síðani havt fund, har eitt nú umstøðurnar hjá teimum eldru vóru til viðgerðar.
? Vit eru ikki komin so langt enn í ár, sum vit høvdu ætlað, tí vit hava ikki havt nakað stykkið enn.
Men stykkið má so útvegast nú
Hon sigur, at hóast stykkið ikki er útvegað enn, er sosiala nevnd kortini samd um, at halda á við fyrireikingunum, so at tað kann verða klárt at byrja upp á sjálva byggingina beinanvegin eftir ársskiftið.
Til fólk í barndømi
Elin Lindenskov sigur, at tað, sum Býráðið í fyrstu syftu arbeiðir við, er at fáa gongd á eitt, kanska tvey sambýli í ár, so at tey kunnu verða liðug seint komandi ár.
Peningur er settur av í ár til fyrireikingar og projektering o.s.fr. 500.000 krónur eru settar av til tað í ár, men skal nakað byggjast, má munandi setast av komandi ár.
Forkvinnan í Sosialu nevnd sigur, at av tí at tiltakið enn bara er undir fyrireiking, er nevndin ikki komin til nakra niðurstøðu um, akkurát, hvussu byggjast skal.
? Men tað, sum liggur í kortunum er, at vit skulu fáa gongd á stovnspláss til eini 12-14 fólk.
? Tað, sum eisini liggur í kortunum, er, at vit ætlað at gera okkurt fyri at bøta um støðuna hjá teimum eldru, sum eru í barndømi.
? Tí er tað heldur ikki endaliga avgjørt, um talan verður um tvey sambýli, sum kortini liggja saman.
? Liggja tey saman, verður raksturin bíligari, tí tey kunnu hava fleiri hentleikar felags.
? Men eitt sambýli til fólk í barndømi setir onnur krøv til stovnin, enn eitt vanligt sambýli og tí er endalig støða ikki tikin til spurningin enn. Men tað er nakað, sum vit mugu raðfesta, tí fólk í barndømi, hava líka góðan rætt til eitt virðiligt lív, sum øll onnur hava.
Elin Lindenskov sigur, at tá ið hetta er fingið á føtur, heldur hon, at býráðið má í hvussu so er byggja ein stovn um árið, helst meiri, tí eldraøkið er iett mál, sum er líka átrokandi at loysa sum barnaansingin, og tí má býráðið eisini raðfesta hetta øki frammaliga tey komandu árini.
? Eg kann sjálvandi ikki siga, hvussu nógv verður bygt, tí peningurin skal setast av.
? Men hetta er so tað, sum vit arbeiða fram ímóti og hetta er eisini í samsvari við eldraálitið, sum varð gjørt herfyri, leggur hon afturat.m, og hetta hevur eisini gingið heilt væl. Sjálvur haldi eg at hetta bara hevur riggað heilt væl.
Dómararnir ímóti Toda?
Síðani vit tosaðu við Toda, hevur stjóri felagsis verið alment frammi í fjølmiðlunum, við viðmerkingum um, at Todi at kalla einki fær frá teimum dómarum, sum døma í superliguni. Sum dømi um hetta nevndi hann júst dystin, sum vit høvdu sæð felagið spælt móti AB, og har Todi beint eftir dystin segði dómarin var ein skandala.
Júst við hesum dysti í hugaðum, spurdu vit eisini Toda, um hetta eisini er generelt galdandi fyri dómararnar í dystum teirra, soleiðis at hann kennir ein ávísan illvilja móti sær sjálvum.
- Akkurát handan dystin var tað nokk heilt ekstremt. Tað hevur tó ofta verið tosað um, at eg fái ov nógvar dómar ímóti mær. Serliga tá eg spældi í álopinum.
Tað er tó klárt, at dómarar eisini tosa sínámillum, og fellur ein viðmerking um, at hasin heldur nógv í mótstøðumonnum og líkandi, so er tað kanska náttúrligt, at teir fylgja serliga væl við hesum.
Tað er tó kanska torført at síggja, hvat er loyvt og ikki, tí tá vit spæla í altjóða dystum, so er dømingin aloftast heilt øðrvísi, so tað er eitt sindur ringt at vita, hvar markið fyri slíkum er.
Greið mál fyri framtíðina
At enda spurdu vit Toda, hvørjar ætlanir og hvørji mál hann hevur sett sær fyri framtíðina, bæði í felagshøpi og viðvíkjandi føroyska landsliðinum.
- Í FCK er mítt mál sjálvandi at verða meistari við felagnum, umframt at eg sjálvandi eisini vil varveita tað plássið, sum eg havi á liðnum. Gongur hetta væl, so er vónin sjálvandi eisini at koma víðari við fótbóltinum, og hetta hevur eisini verið ein dreymur í langa tíð.
Um hetta ikki hendir, so er tað kortini ikki tað heilt stóra vónbrotið, tí eg eri hóast alt komin eitt fitt petti av leiðini. Eg eri í dag 28 ár, so hetta skal kanska henda innan fyri tey bæði komandi árini. Spælarar í altjóða fótbólti síggja tó út til at gerast eldri, so eg vóni at hava nøkur góð ár afturat sum yrkisleikari. Talan verður tó helst ikki um nakran bosman-dóm í mínum føri, tí tá sáttmálin hjá mær gongur út, gangi eg á 32. ári, og so er spurningurin, um nakað felag er áhuga í at gera eina íløgu í mær tá.
Skal alt hetta gerast veruleiki, er tó fyrst og fremstu neyðugt, at eg her í FCK sýni spæl á høgum støði yvir eitt longri tíðarskeið. Nakað sum eg kanska ikki havi megnað í nóg stóran mun undanfarnu árini.
Halda fast um gongdina
Um lutakastið hjá føroyska A-landsliðnum heldur Todi, at tað er kanska við eitt sindur blandaðum kenslum, tá tosað verður um hetta.
- Vit hava fingið tvey keðilig lið í Russlandi og Jugoslavia, og har eru vónirnar um stig ikki tær heilt stóru, men móti hinum londunum í bólkinum áttu vit at hava havt møguleika fyri stigum.
Móti Luksenburg eiga vit at seta okkum sjálvum krav um seks stig, meðan vit somuleiðis eiga at krevja stig á heimavølli móti Sveis og Slovenia.
Ert tú sostatt av teirri sannføring, at føroyskur á ein hátt er komin á eitt vegamót, soleiðis at vit ikki longur bert eru glaðir amatørar, sum vóna tað besta burtur úr øllum dystum, men hinvegin ikki seta fram krav um nakað sum helst?
- Sjálvandi eru vit framvegis ein lítil tjóð í fótbóltshøpi, men vit eiga eisini at kunna seta krøv til okkum sjálvar. Vit hava eftir hondini nógvar leikarar, sum royna seg uttanlands, og vit mugu royna at koma víðari á fótbóltsleið okkara.
Eisini fyri teir ungu leikararnar, sum stremba eftir at koma á landsliðið, er tað av stórum týdningi, at vit hava nøkur úrslit at vísa á, og tað haldi eg eisini, at vit hava. Hóast tað sjálvandi kiksar viðhvørt, so hava vit seinnu árini spælt fleiri góðar dystir, og vit tapa heldur ikki so greitt,sum vit ofta hava gjørt fyrr, so alt í alt sær tað gott.
Tað hongur alt saman. Tá fleiri spælarar royna seg uttanlands, er hetta við til at hækka støðið á landsliðnum. Hægri støði gevur øktan áhuga í umheiminum, og hetta ger tað aftur lættari hjá øðrum spælarum at sleppa uttanlands. Talan er um at koma í eina positiva ringrás, og hesa haldi eg eisini vit eru um at koma í við føroyska landsliðnum.
