Geir H. Haarde, sum júst hevur lagt frá sær sum íslendskur forsætisráðharri, varð í gjár lagdur undir skurð á einum sjúkrahúsi í Amsterdam í Niðurlondum Geir H. Haarde almannakunngjørdi í næstsíðstu viku, at hann hevði fingið staðfest ein illkynjaðan vøkstur í hálsinum, og at hann skuldi leggjast undir skurð uttanlands.
Morgunblaðið skrivar, at skurðviðgerðin eydnaðist væl, men at Geir H. Haarde skal halda frí eina tíð.
Hann er formaður í Sjálfstæðisflokkinum, men hevur boðað frá, at hann fer frá á landsfundinum, sum verður í næsta mánað.
