Talið av garnaskipum er minkað árini 2008 til 2012 úr sjey niður í fýra skip.
- Øll árini í hesum tíðarskeiði hevur raksturin hjá hesum skipum givið hall. Tó hava úrslitini verið frægari árini 2011 og 2012 enn árini undan.
Tað sigur grannskoðaravirkið Januar í sínari greining av fiskiskipaflotanum.
Lagt verður aftrat, at fyrstu seks mánaðirnar í 2013 øktist veiðinøgdin nakað, samstundis sum prísurin fyri garnafiskin var á leið tann sami.
- Vit vænta, at úrslitið hjá garnaflotanum fyri 2013 verður eitt vet betri enn í 2012, sigur Januar.
Garnaskipini eru tey elstu í føroyska fiskiskipaflotanum við einum miðalaldri á 48 ár.
Myndin er tilvildarliga vald.
