AB, sum stríðist fyri lívinum í Effo-deildini, hevur í kvøld styrkt um Effo-hópin hjá sær til seinnu hálvu.
Felagið hevur gjørt sáttmála við argjamannin, Dion Splidt, sum annars hevur verið niðri í lestrarørindum.
Dion Splidt hevur spælt avgerandi leiklutir á liðnum hjá AB øll tey seinnu árini, har sum felagið hevur klára at hórað undan í niðurflytingarstríðnum hvørjaferð.
Dion Splidt váttar fyri in.fo at avtala er gjørd millum partarnar, og at hann verður tøkur hjá AB venjaranum, Trygva Mortensen, tá flytingarvindeygað í føroyskum fótbólti letur upp aftur tann 15 juni.
Dion Splidt er triði leikarin sum AB fær styrk av í seinnu hálvu. Frammanundan hevur AB eisini gjørt avtalu við Símin Hansen, sum kemur úr HB, og Jobin Drangastein, sum kemur úr Víkingi.
