Tónleikaheimasíðan gaffa.dk gevur næstu útgávuni hjá The Dreams fýra út av seks møguligum stjørnum. Fløgan, ið ber navnið Revolt og kemur í donsku og føroysku handlarnar í morgin, er, sambært ummælaranum hjá Gaffa, betri enn hann hevði ímyndað sær.
Í stutta ummælinum verða Under the Sun og sjey minuttir langa lagið Insomnia Suite nevnd sum tvey av heilt sterku løgunum, áðrenn ummælarin endar við at siga, at fløgan »... overstiger samtlige de forventninger, man med rimelighed kunne stille til The Dreams«
Fløgan fær seks av fýra møguligum stjørnum, sum merkir, at ummælarin ikki metir hana vera fullkomna. »Forsanger Hans Andreasens stønnende og knækkende vokal irriterer stadig, men melodierne er stærke, der er kælet for detaljerne...« sigur altso ummælarin hjá Gaffa, sum byrjar sítt ummæli við at staðfesta, at The Dreams »... folder vingerne ud og sætter kurs mod internationale farvande«.
