Heiðraða listakvinnan Rannvá Kunoy er í útbúgvingarørindum í London. Hon er 25 gomul og er undir útbúgving sum BA í málningalist í London á City & Guilds of London Art School.
Tað verður Malan Marnersdóttir, sum á samkomu í gamla landsbókasavninum handar Rannvu gávugóðsi í dag klokkan 16. Rannvá tgekur sjálv ímóti. Hesin ásjónligi og eyðkendi bygningurin, gamla landsbókasavnið, er nýggjur karmur um Seturskrivstovuna og eisini altjóða skrivstovuna, sum lat upp í farnu viku. Gróthúsið á Debesartrøð nevnir onkur tað.
Malan er formaður í nevndini, ið letur gávugóðsi úr nýggja privata grunninum. Hinir báðir limirnir eru Jórun í Dali, formaður í LISA og Elsa Birgitta Pálssdóttir Petersen formaður í Føroya Lærarafelag. Bæði endamál fyri grunnin og manning í nevndini er eftir ynski frá Torvaldi Poulsen.
Tá gávugóðs verður latið, er tað á føðingardegi Torvalds, sum er ídag.
Torvald Poulsen, sum var garðyrkismaður í Havn, doyði 87 ára gamal hin 11. februar 1999. ? Seinasta ynski Torvalds var at stuðla mentanini, sigur bróðursonurin Regin av Steinum. Endamálið við grunninum er, at stuðla upp undir útbúgving hjá ungum føroyskum listafólki, sum hava sýnt listarligar gávur.
Í Sosialinum fer Oddfríður M. Rasmussen rithøvundur at hugleiða um eina framsýning hjá heiðraðu listakvinnuni Rannvá Kunoy, har mannakroppurin er í fokus.
Sosialurin ynskir Rannvá hjartaliga tillukku!
