Heðin Mortensen sigur, at hann hevur tosað við Levi Mørk, og hevur fingið at vita, at Levi Mørk er framhaldandi sinnaður at arbeiða saman við og stuðla Javnaðarflokkinum í býráðnum. Sostatt verður einki broytt í Tórshavnar býráð.
Heðin Mortensen sigur, at Levi Mørk hevur sagt nøkur óheppin ting, men er síðani komin við eini umbering, og at hann torir at taka eina slíka umbering til eftirtektar og halda áfram við at samstarva við Levi Mørk.
– Men eg havi bara tosað við Levi Mørk. Eg havi einki hoyrt frá starvsnevndini hjá Javnaðarflokkinum, og gangi út frá, at eg hoyri frá teimum, um tey hava nøkur onnur sjónarmið, sigur Heðin Mortensen.
Ikki er greitt, hvat floksleiðslan hevur sagt við Levi Mørk. Men eftir at floksleiðslan hevur viðgjørt úttalilsini, hevur Levi Mørk tikið seg aftur sum valevni til løgtingið og meldað seg úr flokkinum.
Sostatt er greitt, at hann kann ikki stilla upp aftur fyri Javnaðarflokkin til býráðsvalið næsta ár , tá hann hevur meldað seg úr flokkinum.
