GÍ hevur tað ikki lætt á heimavølli. Tað siga hagtølini. GÍ hevur ikki fingið fulla úrtøku á heimavølli í ár. Seinasti heimasigurin var 28. mai í fjør, tá ið GÍ vann 2-0 á VB/Sumba. Síðani hevur GÍ spælt tólv ferðir á heimavølli. Fýra ferðir hevur tað verið javnt, og átta ferðir hava gøtumenn einki fingið burturúr.
Á útivølli hava úrslitini verið munandi betri. Tað kunnu gestirnir í Sarpugerði í dag skriva undir uppá. Í 3. umfari í ár fór GÍ úr Gundadali við 3-2 sigri, sum teir høvdu vunnið ímóti HB. Meistararnir í HB hava ikki tapt síðani tá.
Hósdagin vann HB trivaligan steypasigur á AB. GÍ spældi ikki hósdagin, tí gøtumenn longu frammanundan vóru úti av steypakappingini. Tað darvar neyvan HB nógv, at teir spældu steypadyst hósdagin.
Bæði í GÍ og HB eru allir spælararnir tøkir.
