Nýggjur formaður í Gøtu Ítróttarfelag er Jógvan Gregersen. Hann tekur við eftir Svenn Olsen, sum fer frá.
Týskvøldið í farnu viku hevði GÍ árliga aðalfundin, har nýggj nevnd varð vald. Á heimasíðu felagsins stendur, at nýggja nevndin hevur skipað seg við Jógvan Gregersen sum formanni. Næstformaður er Brandur Jacobsen. Regin Gregersen er peningarøkil, Sonja á Líðarenda er skrivari og Peter Holm er seinasti nevndarlimurin.
Soleiðis er øll manningin í gomlu nevndini hjá GÍ skift út, tí eingin av nevndarlimunum helt fram eftir fundin.
