Góð høvd og klókar hendur

Í dag byrjaðu 16 nýggir skriv­stovulærlingar sína skúla­gongd á Føroya Handils­skúla. Tey hava øll skriv­að lærusáttmála við virk­ir í øllum Føroyum, og eru um nøkur ár liðug við sína útbúgving. Øll hava tey eina gymnasiala mið­náms­útbúgving sum grundarlag undir lærusáttmálanum. Eina gymnasiala mið­náms­út­búgv­ing, sum tað eisini ber til at fáa á Handilsskúlanum annað­hvørt á FHS ella á Búskap­ar­breytini.
Henda lærlingaútbúgving er ein av mongum, sum gevur víðari atgongd til ymiskar stytt­ri fram­halds­út­búgv­ing­ar, akademiútbúgvingar og har­eftir diplom og bachelor­út­búgvingar.
Vert er at geva gæt­ur, at fleiri av akade­mi­ú­­t­búgv­ingum eru á Handil­s­skúla­num eisini. Endamálið skal vera, at vit innan stutta tíð kunnu bjóða enn fleiri styttri, meðallangar og langar útbúgvingar inn­an ymisk yrki. Tað ber væl til, og er avgjørt í tráð við heildarætlanina um “Fólka­flyting og fólka­vøkstur”.
Sermerkt fyri teir skriv­stovu­lærlingarnar, sum byrja skúlagongdina í ár er, at tey, sum tey fyrstu, fylgja nýggjari lesiætlan og útbúgvingarkunngerð, sum er gjørd til yrkis­út­b­úgvingarskipanina í Før­oyum.
Í gjár byrjaðu eisini nýgg­ir lærlingar innan handils­yrkið sína skúlagongd. Eisini teir hava gjørt læru­sáttmálar, sum tryggja teim­um eina heila og samlaða útbúgving, ið eins og skrivstovulæran, gevur atgongd til framhaldandi út­búgving – bæði í Føroyum og uttanlands.
Fyri at tryggja heildina í útbúgvingini er neyðugt at samskipa skúlagongdina og verkligu læruna best møguligt. Tí skipar skúl­in fyri samrøðum við læru­plássið í minsta lagi tvær ferðir í lærutíðini, har avalur um innihaldið í útbúgvingini verða gjørdar millum skúlan, næm­ingin og læruplássið. Somu­leiðis verða gjørdar neyðugar eftirmetingar.
Føroyar hava brúk fyri góð­um høvdum og klókum hond­um.