G! festivalurin er veruliga farin at gera um seg, og alla vikuna verða nýggj nøvn kunngjørd. Í dag hevur G! avdúka trý føroysk nøvn, ið fara at framføra á G! 2009 Í dag avdúkar G! Festivalurin, at SIC, ið júst hava víðkað um virksemi sítt og í næstum fara á sera umfatandi konsertferð í Europa, millum annað verða í Gøtu í summar.
Bólkurin, sum var nógv úti um seg í 2008, Boys In A Band, ið hava altjóða fløguútgávu fyri framman í ár, fara at spæla undir Støðlafjalli í ár.
The Ghost, ið hava fingið plátusáttmála í Bretlandi, og sum í januar mánaði í ár hava havt týðandi framførslur á bæði Eurosonic og Midem, verða við á G! skránni.
Higartil eru hesi nøvn almannakunngjørd sum partar av skránni hjá G! 2009
VETO (DK)
SPLEEN UNITED (DK)
THE HAUNTED (SE)
BOYS IN A BAND
SIC
THE GHOST
