Dansibandfestivalur er í Vági um vikuskiftið.
ì gjár sást onkur húsvognur á plássinum vesturi á Eiðinum í Vági, men í dag er støðan ein onnur. Nú byrjar so smátt at fyllast, og í góðveðrinum í dag er bara lagst afturat, og fólk hava gingið og gjørt klárt.
At Smyril í dag sigldi á Vág í samband við finaludagin í skúlafótbólti í Marghøllini hevur óivað lætt um hjá mongum, ið er komin um Suðuroyarfjørð við húsvogni.
Í kvøld hevur syngið- og dansið við tiltak verið á Hamragarði við luttøku av Árna, Hentzar, og Terja við harmonikum og bassi. Tiltak ætlað aldursbólkinum 65+.
##med2##
Annars er skráin henda:
Fríggjadagin 3. mai 2019
Kl. 20.00 Konsert við Blátt Gras í Vágs Høll. Og aftaná (uml. kl. 21.00) verður felags sangur Hjalmar & Dagfinn spæla undir og suppu v/breyð í Vágs Høll.
Kl. 22.00 KVF sendir beinleiðis í útvarpinum hjá KVF frá Dansibandsfestivalinum úr Vágs Høll.
Kl. 23.00 Dansibands orkestur spæla til dans í Vágs Høll. Til dansin spæla Gutta fra Scandinavia (NO) og Hans Jacob og vinmenn (FO).
Kl. 04.00 Dansurin endar.
Leygardagin 4. mai 2019
Kl. 10.00 Gongutúrur við frásøgufólki frá Tríkantinum á Sandinum niðaneftir Trælagøtu og niðan á Eggjarnar. Ókeypis tiltak. Áhugaði møta við Tríkantin á Sandinum.
Kl. 11.00-13.00 Dansibands-brunsh í Vágs Høll. fyri børn. Dansibands-brunsh er íroknað vikuskiftispassinum. Øll hjartaliga vælkomin.
Kl. 15.00 Dansibandsgudstænasta í Vágs Høll Anne Mette Greve Klemensen, presti.
Kl. 19.30 Grillkvøld í Vágs Høll. Grillaðir oksafillet, ovnbakaði petit eplir og rótfrukt, salatir og sós. Sum vant verður eisini góður felagssangur, hugni og harmonikutónleikur afturvið.
Kl. 23.30 Dansibands orkestur spæla til dans í Vágs Høll. Til dansin spæla Gutta fra Scandinavia og (NO) og Sunrise (FO).
Kl. 04.00 Dansurin endar.
##med3##
