Hóast gamalt var ikki at flota bátin áðrenn Flaggdagin 25. apríl, eru fleiri kappróðarbátar flotaðir.
Seinnu árini er hesin aldargamli siður dottin meiri og meiri burtur, samstundis sum kappingin í kappróðrinum er herd meira og meira.
Ein góðveðursdag sum henda, er tað tó ikki so løgið, at bátarnir verða flotaðir.
Vit fangaðu fimmmannafarið Jall inni í bátahylinum á Argjum, har teir vendu, áðrenn teir løgdu leiðina inn móti havnaskrivstovuni aftur.
Hóast tríggir av dreingjunum umborð eru partur av føstu manningini, var talan í dag tó bert um hugna, har teir nýttu góða veðrið.
Hálvonnur vika er til Flaggdagin, og tá verða flestallir kappróðrarbátarnir, ið eru mannaðir, koyrdir á flot, og er kappróðrarárið av álvara farið at nærkast.
Í dag eru 51. dagar til Norðoyastevnu, tá fyrsti FM róðurin er.
