Fyrsti Mazda bilurin, sum Bilasølan v. Øssur Johannesen seldi, var ein Mazda3 Sport sedan, sum klaksvíkingurin Eyðun Højbro keypti.
Stjórin á Bilasøluni, Øssur Johannesen, sigur, at nú er alt fingið upp á pláss við Mazda umboðnum, og fleiri bilar eru á veg.
Fyritøkan væntar sær nógv av Mazda bilunum, sum hava verið seldir í Føroyum síðan 1967 og er eitt tað mest selda bilmerki í landinum.
Mazda verða seldir sum eitt sjálvstøðugt bilmerki, og nýggj framsýningarhølir skulu byggjast millum Bilasøluna og bygningin hjá Føroya Tele.
Bilasølan v. Øssur Johannesen varð stovnað í oktober 1993 og selur fyritøkan eisini bilmerkini Audi, VW og Seat.
