Í dag fer tað privata rúmdarfelagið SpareX at gera eina roynd at senda eina rakett út til altjóða rúmdarstøðina ISS, og hetta er fyrstu ferð nakrantíð, at eitt handilsligt rúmdarfelag fær høvið til at binda eina rakett í ISS.
Men uppgávan hevur stóran týdning. Amerikanararnir hava tikið rúmdarferjurnar úr drift og sett tær á savn. Tí má NASA fáa hjálp til at flyta útgerð út til altjóða rúmdarstøðina, og ta uppgávuna skal SpareX loysa.
Hendan fyrsta ferðin er ein roynd hjá SpareX at prógva, at felagið er ført fyri at røkja uppgávuna, og at felagið er ført fyri at binda rúmdarfarið "Dragon" saman við ISS.
Gongst sum ætlað, skal "Dragon" gera 12 ferðir út til ISS og aftur. Fyri samstarvið við NASA fær SpareX góðar sjey milliardir krónur.
