Fyrrverandi forsetin í Venesuela, Nicolás Maduro, hevur nú latið hoyra frá sær úr fongslinum í Brooklyn í New York.
Hann hevur skrivað á sín X-vanga, at hann og konan, Cilia Flores, kenna seg at vera í javnvág og eru rólig, sum hann tekur til.
Nicolás Maduro og kona hansara vórðu tikin, tá amerikanskar serdeildir fyri skjótt trimum mánaðum síðan lupu á Caracas, høvuðsstaðin í Venesuela.
Síðan tá hava tey bæði sitið í fongsli í Brooklyn í New York.
Eftir at Nicolás Maduro varð rikin frá valdinum tíðliga í januar, tók varaforseti landsins, Delcy Rodríguez, við sum forseti við somu stjórn, sum Maduro hevði.
- Hetta var í samstarvi við - og eftir trýsti - úr USA, veit norska kringvarpið NRK at siga.
