Fríggjadagin doyði Joen Henry Andreassen, fyrrverandi sorinskrivari og Løgtingsins umboðsmaður, 85 ára gamal.
Jógvan Andreassen, sum hann vanliga var kallaður, var ættaður av Strondum. Hann tók prógv sum løgfrøðingur í 1958. Eftir tað fór hann í starv hjá landsstýrinum, áðrenn hann eitt skifti starvaðist í danska løgmálaráðnum og frá 1960 til 1964 sum dómarafulltrúi í rættinum í Roskilde.
Í 1969 kom Jógvan Andreassen heim at arbeiða í Føroya Rætti. Í 1977 varð hann sorinskrivari og frá 1994 til 2001 fyrisitingarligur sorinskrivari i Føroya Rætti.
Í 2001 varð Jógvan Andreassen kosin fyrsti Løgtingsins Umboðsmaður, og hann røkti starvið fram til 2005.
