Tað er familjan hjá Bjarne Mørk-Eidem, sum í dag kunnar um deyðsfallið á sosialu miðlunum, og tað eru norskar heimasíður, sum endurgeva familjuna.
Hann var fiskimálaráðharri í Gro Harlem Brundtland stjórnini árini 1986 til 1989, og nú hann doyði, var hetta sambært familjuni eftir stutta sjúkralegu.
Árini gjørdust 85.
Mørk-Eidem var úr Vega í Nordland. Hann umboðaði Arbeiðaraflokkin og hevur eisini verið formaður í Nordland Arbeiderparti.
Hann varð valdur í Stórtingið í 1969 og sat heilt fram til 1993. Bjarne Mørk-Eidem var ríkisgrannskoðari og leiðari av Ríkisgrannskoðanini árini 1990 til 2005.