Í 1986 var Jens Stoltenberg í Føroyum sum formaður fyri AUF, sum er ungmannafelagið hjá norska Arbeiðaraflokkinum. Hann vitjaði tá Sosialistiskt Ungmannafelag í Føroyum, sum var vertur fyri norðurlendskum fundi hjá norðurlendska felagsskapinum fyri javnaðarungmannafeløg, FNSU.
Við á ferðini tá vóru eisini umboð úr hinum norðurlondunum. Forkvinnan í svenska ungmannafelagnum var Anna Lindh, sum varð myrd í 2003 og formaðurin í danska ungmannafelagnum, Henrik Sørensen, sum doyði fyri nøkrum árum síðani. Formaður í Sosialistiskum Ungmannafelag í Føroyum tá var Eyðólv Dimon, sum man vera tann føroyingurin, ið Jens Stoltenberg kennir best.
