Arbeiðstakarasáttmálin um at umvæla og umbyggja Gula hús í Klaksvík er undirskrivaður í dag.
- Sáttmálin er undirskrivaður við Norðhús Sp/f, sum saman við teknistovuni Fuglark hevur gjørt umvælingarætlanina.
Í Heilsumálaráðnum vísa tey á, at Gula hús er húsið, sum eisini verður rópt læknahúsið í Klaksvík.
Húsini, sum hava verið brúkt til bústað og viðtaluhølir hjá læknum fram til 1990-ini, skulu nú umvælast og dagførast.
- Í húsinum verða umleið 10 skrivstovupláss, fundarhøli, viðtaluhøli, arbeiðsklivar og skjalasavn.
Ætlanin er, at fyrisitingin á Klaksvíkar Sjúkrahúsi skal flyta úr gamla skrivstovubygninginum og í Gula hús eftir umvælingina.
- Umvælingin verður eftir ætlan liðug síðst í 2023, siga tey í Heilsumálaráðnum.
##med2##
