Sløkkiliðini og bjargingarfeløgini hava fyrireikað seg væl til ódnarveðrið, sum fer at koma í kvøld.
Øll amboð liggja klár, skrúvumaskinurnar eru løddar, og fólkini hava fingið boð um, at tey kunnu vænta at verða kallað inn í kvøld.
Sløkkiliðið í Havn er væl fyri. Í morgun var fundur á býráðnum fyri at gjøgnumganga tilbúgvingarskipanina.
Útsynningur er tó ikki ringasta ætt í Havn.
Í Hvalba vænta tey ett hart kvøld, tí útsynningur er ringasta ætt. Yr.no væntar, at vindurin í Hvalba fer upp í 38 metrar um sekundið.
Onkrir vinskaðar hava longu verið norðanfjørðs í dag.
Sløkkiliðini heita á fólk um ikki at hava nakað liggjandi uttan fyri húsini. Tey flestu gera tað, men tað kann vera, at nøkur hava gamlat tilfar liggjandi í túninum, har hús verða umbygd.
Allar trambolinir eiga at fáast undir tak sum skjótast.
