Teir báðir partarnir, Starvsmannafelagið og Føroya Arbeiðsgevarafelag, hava nú handað hvørjum øðrum tey krøv, ið tey ynskja sær við einum nýggjum sáttmála.
- Vit avhenda vanliga okkara krøv til nýggjar sáttmálar í góðari tíð, og sum altíð miða vit eftir, at sáttmálin er undirskrivaður, áðrenn verandi sáttmáli fer úr gildi, sigur Súni Selfoss, formaður í Starvsmannafelagnum við heimasíðuna hjá felagnum.
Fyrsti fundur millum partarnar er avtalaður at halda 17. november.
