Fyrireika mentanarnáttina í Havn

Meðan norðoyastevnan so smátt fer at byrja í Klaksvík, leggja tey í Havn seinastu hond á fyrireikingarnar til mentanarnáttina.

Ein rúgva av tiltøkum eru á skrá í miðbýnum í høvuðsstaðnum í kvøld, alt frá tónleikaframførslum til listaframsýningar og sølubúðir.

Nógv støð, sum vanliga eru afturlatin, eru opin fyri almenninginum, so sum varðhaldið í Mjørkadali, Amtmannsgarðurin, Kringvarp Føroya og Føroyar rættur.

Til ber at vitja umborð á verjuskipinum og bjargingartyrlan verður á Bursatanga.

Í Havnar kirkju fer Silvurdrongur at framføra, meðan City Church bjóðar inn til lovsong og ljósshow.

Hjá Landsverki ber til at koyra við fjarstýrdum bilum á einum bana, sum Landsverk hevur gjørt til endamálið. Myndir av tí eru her.

Og fyri tey minstu verður væl umtókta bamsuskaðastovan endurtikin á Landssjúkrahúsinum.

Myndamaður okkara, Álvur Haraldsen, var í býnum og tók nakrar myndir av fyrireikingunum.