Tíðliga í morgun fekk løgreglan fráboðan um, at ikki færri enn fýra bilar høvdu rent á autoverjuna við landsvegin beint sunnan fyri Depil.
Tað var ógvuliga hált ymsastaðnis í landinum í morgun, og hetta elvdi til, at fýra bilar slag í slag rendu í autoverjuna beint sunnan fyri Depil. Tibetur var talan bert um materiellan skaða.
Eitt lítið ferðsluóhapp var somuleiðis á Strondum, men annars hevur verið stak friðarligt, verður upplýst á politistøðini í Havn.
