Føðingardagur
Allir limir felagsins við familju eru boðnir í føðingardag í Gundadali. Dagurin byrjar klokkan 17.00, og møtt verður á ovara vølli til felags upphittin. Síðani fara allir HF limirnir á niðara vøll at taka felagsmynd.
Øll fara síðani í skrúgongu niðan í Ítróttarhøllina, har Havnar Fimleikafelag bjóðar øllum vælkomnum til bollar og kakao, fimleikainnsløg og røður.
Ein bók verður eisini givin út á runda degnum. Høvið verður at síggja og ogna sær bókina hendan dagin fyri kr. 299,00 og eisini ber til at fáa bókina signeraða. Umframt bókina, verður eisini møguleiki at keypa onkra góða jólagávu, eitt nú HF-fløguna, HF-búnan og 100 ára hettutroyggjuna.
Við føðingardagskvøðu
Havnar Fimleikafelag, www.hf.fo
