Íverksetan fær alsamt størri týdning í krepputíðum. Júst tá snýr tað seg um at skapa fortreytir, sum kunnu seta ferð á nýhugsan og íverksetan.
Tí skipar Íverksetarahúsið fyri almennum fundi um nýhugsan og íverksetan fyri øllum áhugaðum.
Fundurin verður í Klaksvík mánakvøldið 15. desember í nýggju snotisligu Eik hølunum á Bøgøtu.
Skráin verður:
Kvøldið byrjar kl. 19.45 til fólkatónarnar hjá Hanusi G. Johansen.
Hilmar Sam Lamhauge bjóðar vælkomin og presenterar nýggja Eik Banka í Klaksvík.
Annika Steintórsóttir fer at greiða frá virksemi og úrslitum hjá Íverksetarahúsinum higartil.
Kitty May Ellefsen kemur harnæst at tosa um at vilja og tora ? eisini út frá egnum royndum.
Eftir ein kaffisteðg við fleiri kendum tónum frá Hanusi, kemur stjórin í Íverksetarahúsinum, Rani Nolsøe, í sínum uppleggi at vísa, hvussu vegurin frá byrjan til vøkstur og menning kann fyrireikast og hvussu avbjóðingarnar kunnu taklast.
Fundurin endar umleið kl 21.30.
