Kl 19:30 í kvøld verður almennur fundur á Hotel Føroyum um nýggjan altjóða flogvøll
Við á fundinum eru tingmenninir, sum løgdu uppskotið fyri tingið: Tórbjørn Jacobsen og Finnur Helmsdal úr Tjóðveldinum, Bill Justinussen úr Miðflokkinum, Lisbeth Petersen úr Sambandsflokkinum og Poul Michelsen úr Fólkaflokkinum. Eisini verður Marita Rasmussen frá Vinnuhúsinum, Frimod Hansen, sum er stjóri í Vestlax og Randi Frederiksberg.
Eisini verða Gilli Trónd, verkfrøðingur og Magnus Hansen, arkitektur við. Magnus Hansen fer eitt nú at vísa nakrar videoanimatiónir sum vísa innflúgving til flogvøll á Borðuni í Nólsoy frá trimum síðum.
