Tað er pláss fyri 24 næmingum í hvørjum flokki á Matvørudeildini.
Skeiðið, sum byrjaði nú í august, var fullteknað, og tað var bíðilisti at sleppa inn, so sigast má, at tað er stórur áhugi í at nema sær útbúgving innan matvøruyrkið.
Kunngerðin fyri kokkaútbúgvingina, sum kom í gildi í vár, ber við sær, at nú er møguligt at taka alla kokkaútbúgvingina á Tekniska Skúla í Klaksvík.
Matstovuvinnan og ferðavinnan eru vinnugreinar í menning , og við møguleikanum at nema sær kokkaútbúgving í Føroyum, er áhugin at nema sær matvøruútbúgving vaksandi.
