Fuglafjørður broytist, samstundis sum býurin, ið frammanundan hevur nógv virksemi, mennist enn meira vinnuliga.
Tað gongur skjótt við byggingini av uppsjóvarvirkinum hjá P/F Pelagos har úti á bryggjuni, og tað sæst dagamunur á.
Á myndini sæst nýggja uppsjóvarvirkið sum ein risastórur bygningur, og tað er hann eisini.
Í summar verður klárt hjá P/F Pelagos at keypa fisk og byrja framleiðslu.
Tá Varðin Pelagic varð bygdur á Tvøroyri, varð verkætlanin framd eftir 14 vikum, og alt bendir á, at fuglfirðingar fara at gera tvøráfólki hetta eftir.
Uppsjóvarvinnan í Fuglafirði og Klaksvík leggur við hesi verkætlan nógvar pengar niður í Fuglafirði, eins og lokalsamfelagið - bæði vinna og privatfólk - eisini leggja sína orku í.
