Fuglafjarðar kommuna lýsir nú eftir nýggjum kommunustjóri. Í lýsingini stendur, at Fuglafjørður er ein kommuna í framburði við sterkum vinnulívi, livandi mentanarlívi og skapandi borgarum innan øll øki. Í kommununi starvast 120 fólk, harav 13 starvast í umsitingini.
Víðari stendur, at umsitingin í Fuglafjarðar kommuna miðar ímóti at veita víðskygdar tænastur, har strembað verður eftir at veita bestu umstøður til menning og framburð saman við borgarum, vinnulívi og øðrum.
Í umsóknini stendur eisini, at tað er umráðandi, at kommunustjórin og starvsfólkini stuðla býráðnum við at seta dagskránna í mun til samfelagið, og at kommunustjórin setur serligt fokus á framburð, í samstarvi við borgarar, vinnu og aðrar áhugabólkar.
Starvið sum kommunustjóri verður sett frá 1. september 2020. Starvið verður lønt í 37. lønarflokki hjá Tænastumannafelag Landsins, tó uttan at verða eitt tænastumannastarv. Harumframt verða 15% goldin í eftirlønargjaldi.
Umsóknarfreistin er 17. apríl klokkan 12.
