Tveir nýggir venjarar eru komnir afturat, nú venjaratoymini hjá ungdómslandsliðunum hjá FSF eru mannaði av nýggjum. Rasmus Nolsøe verður venjari hjá U17-dreingjunum, meðan Christian Høgni Jacobsen er nýggjur venjari hjá U15-gentunum, skrivar heimasíðan hjá Fótbóltssambandinum.
Stutt fyri jól varð kunngjørt, at tað verður sviin, Håkan Ericson, ið skal avloysa Lars Olsen sum føroyskur A-landsliðsvenjari hjá monnum. Sáttmálin millum Fótbóltssamband Føroya og Håkan Ericson er galdandi í fýra ár.
##med2##
Men tað eru ikki bara menninir, ið hava fingið nýggjan venjara at standa við róðrið. U17-landsliðið við dreingum og U15-landsliðið við gentum hava eisini fingið nýggjar venjarar. Rasmus Nolsøe skal komandi tvey árini standa á odda fyri U17-dreingjunum, meðan Christian Høgni Jacobsen er nýggjur landsliðsvenjari hjá U15-gentunum.
Áki Johansen, ið hevur havt evstu ábyrgd av U17-landsliðnum við dreingjum, verður nú venjari hjá bæði U18- og U19-landsliðunum við dreingjum. Áki Johansen avloysir Jógvan Martin Olsen, ið farnu trý árini hevur verið venjari hjá U19-dreingjunum. Og hjá U17-gentum verður tað Pauli Poulsen, ið avloysir Øssur Hansen.
Ungdómslandsliðsvenjarar 2020:
U18 og U19 Dreingir
Høvuðsvenjari: Áki Johansen
Hjálparvenjari: Jens Kristian Hansen
U17 Dreingir
Høvuðsvenjari: Rasmus Nolsøe
Hjálparvenjari: Fróði Benjaminsen
U15 Dreingir
Høvuðsvenjari: Jan Mølvad Laursen
Hjálparvenjari: Jens Erik Rasmussen
U19 Gentur
Høvuðsvenjari: Pætur S. Clementsen
Hjálparvenjari: Eyðvør Jakobsen
U17 Gentur
Høvuðsvenjari: Pauli Poulsen
Hjálparvenjari: Rannvá B. Andreasen
U15 Gentur
Høvuðsvenjari: Christian Høgni Jacobsen
