Ein partur framman fyri Biskupstorginum í Klaksvík, sum hevur verið lagt við grúsi, verður nú asfalteraður, so parkeringsøkið verður fram við vegnum inn móti flisalagda túninum.
- Eisini verða kantar gjørdir aftur frá gravingini fyrr í vár, tá grivið varð fyri eitt nú sjóhitaskipanini til Mentanarhúsið. Tí verður eisini leiðingsveitin í túninum framman fyri Politistøðina og har, sum bussarnir steðga, asfalterað í næstum.
Í Klaksvíkar kommunu vita tey í dag at siga, at fyribils verður riggað til, kantar verða gjørdir, og undirlagið verður fest, so til ber at asfaltera, og vónandi byrjar asfalteringsarbeiðið í næstu viku, verður lagt aftrat.
##med2##
