Ófriðurin í fleiri av forstøðunum kring svenska høvuðsstaðin, Stockholm, helt fram í nátt, og gjøgnumgangandi er talan um ung, sum annaðhvørt hava foreldur av útlendskum uppruna ella sjálv eru tilflytarar.
Í Husby, har alt byrjaði fyri nøkrum døgum síðani við ófriði og herverki tvær nætur á rað, var ikki so ófriðarligt í gjárkvøldið, men ímóti morgni bleiv eldur sett á eitt felagshús.
Ein persónur er handtikin fyri grovan morðbrand, og tilsamans handtók svenska politiið í gjárkvøldið og í nátt átta fólk, sum eru skuldsett fyri at hava sett eld á bilar, gjørt anað herverk og at hava framt grovan ágang.
Í Jakobsberg steinaðu ungfólkini politistøðina, so fleiri rútar fóru í knús, og í Skarsholmen gekk herverkið út yvir ein barnagarð, sum eldur varð settur á. Eisini varð eldur settur á einar 30 bilar, umframt at annað herverk er gjørt.
