Tað oysti niður í Vágum í leygarnáttina, men tað dryppaði ikki á virksemið hjá løgregluni í Vágum. Stevna var hildin, men so at siga einki kriminelt - sæð frá einum løgreglusjónarmiði - gekk fyri seg.
Virkandi sýslumaðurin sigur, at tað var stak, stak friðarligt. Einki av nøkrum slag.
Einasti tilburðurin var eitt lítið innbrot. Ein drongur, sum var á vitjan í oynni, breyt inn í kjallaran hjá einum handli og ognaði sær 300 krónur. Gleðin var tó stokkut, tí fólk hava borið eyga við hann, og løgreglan hevur fingið fatur á honum, og hann hevur viðgingið sínar syndir.
Hann kann vænta sær at koma fyri ein dómara í næstum.
