Tað hevur ikki verið nógv hjá politinum at gera um jólini. Politistøðirnar kring landið hava ikki havt meira at gera enn vanligt er, sjálvt um nógv fólk hava verið í býnum.
Í høvuðsstaðnum hevur verið rættiliga friðarligt. Leygarkvøldið var onkur tó farin til hendurs uppi við Badmintonhøllina, men tað kom skjótt í rætt lag aftur.
Annars lata hinar politistøðirnar somuleiðis væl at jóladøgunum. Eini tveir førarar eru tiknir fyri sprituskoyring, og í Suðuroynni var ein lítil eldur í einum sethúsum. Har var tó lítil skaði.
Politiið í Havn upplýsir eisini, at tað eru fleiri, sum hava ringt yvir alarmsentralin, tí tey eru dottin og komin til skaða í hálkuni.
