Frem tók ímóti SAS-ligafelagnum, FC Nordsjælland í donsku steypakappingini. Úrslitið varð eitt stórtap til liðið hjá Jón Róa Jacobsen og Atla Danielsen, Frem, sum fekk eitt veruligt tennisegg. FC Nordsjælland vann heili 6-0, aftaná hálvleiksstøðuna 5-0. Bajram Fetai skoraði tvey mál, Henrik Kildentoft, Andreas Dahl, Nicklas Pedersen og Christian Nielsen skoraðu hvør sítt mál. Munurin millum eitt botnlið í næstbestu donsku deildini, og eitt væl koyrandi SAS-liga lið varð eyðsýndur, serliga í 1. hálvleiki.
