Sostatt bendir alt á, at teirra dagar í næstbestu donsku deildini eru um at vera taldir. Bogi Løkin varð skiftur inn 12 minuttir fyri leiklok, minuttin eftir at Thisted hevði lagt seg á odda. Bogi Løkin var aftur hesaferð einsamallur føroyingur á vøllinum, og hann megnaði ikki at venda tapinum. Sostatt sær tað serstakliga trupult út hjá Frem, har dreymurin um at varðveita sætið í næstbestu donsku deildini tykist meira og meira fjarur. Næsta vikuskiftið verður botndystur og føroyingaruppgerð, tá Frem vitjar hjá Atla Danielsen í Roskilde, sum liggur beint omanfyri niðurflytingarmarkið.
