Spennandi framsýning við nýggjari føroyskari sniðgeving byrjar í hesum døgum í Keypmannahavn. Millum framsýnarnar eru Barbara í Gongini, Elin Heinesen og Jóhanna av Steinum. Frá 20. oktober til 20. januar hevur Norðuratlantiska Bryggjan framsýning við føroyskum sniðgevum.
Framsýningin - við heitinum ÆGGEN - er fyriskipað av Barbaru í Gongini. Og framsýnarnir eru nakrir av bestu og djarvastu føroysku sniðgevunum.
Klæðini eru frá 2007 og hava millum annað verið sýnd fram á stórum altóða sýningum. Í tíðindaskrivið siga fyrireikarnir at føroysk sniðgeving vekur altjóða ans. Ikki bara við Guðrun & Guðrun troyggjunum í vældámdu donsku sendingini, Forbrydelsen, men eisini í amerikanskum bløðum, sum tildømis Womens Wear Daily.
Sniðgevararnir eru:
Gudrun & Gudrun
Dennis Agerblad
Elisa Heinesen
Beinta Vilhelmsen
Barbara í Gongini og Tine M Jensen
Jóhanna av Steinum
MARMAR (Marianna Mørkøre og Maria Arnell).
