Eitthvørt bendir á, at stríðsviljin er dalandi millum russiskar hermenn í Ukraina.
Í øllum førum um um vit skulu trúgva nýggjastu bretsku fregnartíðindunum.
Tíðindini vórðu borin í eini røðu á einum lærdum háskúla í Avstralia frá stjóranum fyri samskiftishøvuðsstøðina hjá statinum, sum vanliga er kend sum GCHQ.
Stjórin, Jeremy Fleming, sigur í røðuni, um sæst í fullum líki á heimasíðuni hjá GCHQ, at russiski forsetin, Vlademir Putin, hevur í stórum stíli yvirmett stríðsdygdina hjá sínum egnu herdeildum.
– Vit síggja russiskar hermenn – sum harumframt tørva bæði vápn og stríðshug – sum nokta at lýða boð, oyðileggja egna útgerð og enn tá nakrar, sum av misgáum hava skotið egin flogfør niður, sigur Jeremy Fleming í røðuni.
GCHQ fæst serliga við signalfregnartænastu, sum snýr seg um avlurting og eftirlit av radiosignalum. Tað kundi eitt nú verið walkie-talkie.
/ritzau/
