Í nátt hevur franski forsetin, Emmanuel Macron, skriva á X, fyrrverandi Twitter, at fysti bólkurin av fronskum hermonnum er á veg til Grønlands.
Hermenninir skulu luttaka í einari venjing - Operation Arctic Endurance - sum Danmark og Grønland skipa fyri.
Franska tíðindastovan AFP var hin fyrsta, sum kunnaði um, at franski forsetin eisini hevur kallað inn til kreppufundar í dag at umrøða støðuna í Grønlandi.
Sum skilst, verður eisini tosað um støðuna í Iran, har nógv mótmælisfólk eru dripin, og uppaftur fleiri eru handtikin.
- Bæði Noreg, Svøríki, Týskland og Frakland eru farin at senda herfólk til Grønlands - eisini fyri at vísa samhuga við Danmark og Grønlandi.
Hetta skrivar tíðindastovan NTB í morgun, og her verður eisini víst til fronsku AFP-tíðindastovuna.
##med2##
