Klokkan fimm seinnapartin vesturgrønlendska tíð høvdu meiri enn 60 prosent av veljarunum verið í atkvøðuhølinum, og tí bendir alt á, at valluttøkan verður størri í dag enn á valinum í 2009.
Kringvarpið, KNR, hevur spurt seg fyri í 12 býum, og av teimum 12 býunum var tað bara Nanortalik, sum hevði havt færri fólk á vali enn um somu tíð valdagin í 2009. Tann størsti vøksturin var í Illoqqortoormiut, har valluttøkan var 9,1 prosentstig størri enn í 2009.
Á landstingsvalinum í 2009 var valluttøkan 71,3 prosent.
