RTS Contractore og Runavíkar kommuna hava undirskrivað sáttmála, eftir at RTS vann innbodnu lisitatiónina um vatnverkætlanina hjá Runavíkar kommunu. Runavíkar kommuna sigur í dag, at ferð verður nú sett á stóru vatnverkætlanina, og hendan ætlan kemur at framtíðartryggja bæði vestara og eystara arm á Skálafjørðinum við vatni. - Byrjað varð í 2013, men nú verður verulig ferð sett á arbeiðið, sum endaliga skal verða liðugt í 2016. Lagt verður aftrat, at arbeiðið varð boðið út, og tað var RTS Contractors í Runavík, sum vann innbodnu lisitatiónina. Fríggjadagin 6. februar varð sáttmáli undirskrivaður í býráðssalinum millum RTS og Runavíkar kommunu. Á viðheftu mynd síggjast Magnus Rasmussen, borgarstjóri í Runavíkar kommunu og Svend Lamhauge, stjóri í RTS. | 
