Í kanning, sum spyr.fo hevur gjørt fyri Portalin átta dagar eftir fólkatingsvalið standa Fólkaflokkurin, Javnaðarflokkurin og Tjóðveldi í stað, meðan Sambandsflokkurin hevur stóra afturgongd.
Miðflokkurin og Framsókn hava stóra framgongd, men tað framvegis einki stendur til hjá Sjálvstýri.
Tað er ikki óvanligt, at Sambandsflokkurin fær eitt nógv betri fólkatingsval enn løgtingsval, hóast bara fáir mánaðir eru millum valini. Soleiðis hevur tað verið seinastu tríggjar ferðirnar, í 2019, í 2015 og í 2011, meðan munurin ikki er so eyðsýndur hjá hinum flokkunum.
Munurin á fólkatingsvali og løgtingsvali hjá Sambandsflokkinum hevur seinastu tríggjar ferðirnar verið -8,1 prosentstig, -4,5 prosentstig og 6,1 prosentstig. Sambært kanningini hjá spyr.fo hesaferð er munurin -9,5 prosentstig, sum er munandi meira enn á seinastu valunum. Og hesaferð eru bara átta dagar frá fólkatingsvalinum til veljarakanningina.
|
Fólkating |
Løgting | ||
|
2019 |
28,3 |
20,2 |
-8,1 |
|
2015 |
23,2 |
18,7 |
-4,5 |
|
2011 |
30,8 |
24,7 |
-6,1 |
Men nógv er broytt síðani handan kanningin var gjørd. Tað bøtir neyvan um støðuna hjá Fólkaflokkinum, at flokkurin er skrædnaður, síðani kanningin varð gjørd. Men tað síggja vit ikki, fyrr enn onnur kanning kemur.
Munurin millum úrslitið á fólkatingsvalinum 31. oktober og kanningina 8. november sæst niðanfyri:
|
Flokkur |
Fólkatingvsval 2022 |
kanning 8. nov. 22 | ||
|
Fólkaflokkurin |
15,5 |
16,4 |
0,9 | |
|
Sambandsflokkurin |
30,2 |
20,7 |
-9,5 | |
|
Javnaðarflokkurin |
28,2 |
27,3 |
-0,9 | |
|
Sjálvstýri |
1,6 |
1,6 | ||
|
Tjóðveldi |
18,1 |
19 |
0,9 | |
|
Framsókn |
3,4 |
7 |
3,6 | |
|
Miðflokkurin |
4,5 |
8 |
3,5 | |
